என் தோழி!

முதல் முதலாக பேசிய ஓரிரு வார்த்தைகளில் நீ யாரென்று அறியவில்லை 

உன் அருகில் இருந்தும் நீ யாரென்று அறியவில்லை

நாட்கள் கடந்தும் நீ யாரென்று அறியவில்லை 

பாகுபாடின்றி நீ கட்டிய பாசம் உன்னை திரும்பி பார்க்க வைத்தது 

நெருக்கம் காட்டியதில்லை ஆனால் என்னுள் நீ நெருக்கமாகிவிட்டாய்

உன் வார்த்தைகளையும் ரசித்தேன் 

உன் வெள்ளை மனதையும் ரசித்தேன் 

நீ யாரென்று உணர்ந்தேன் 

என்னை அறியாமல் என்னுள் ஒட்டிக்கொண்ட உயிர் தோழி 

ஓரிரு வார்த்தைகள் ஓராயிரம் வார்த்தைகள் ஆனது 

நட்புக்கு ஏது இடைவெளி, உன்னோடு இருக்கும் தருணங்கள் மறக்க முடியாத ஒன்றானது 

சண்டைகள் ஆக்கிரமித்த போதும் என் மனம் உன்னையே தேடும் 

ஓர பார்வையிலும் பேசுகிறாய்

பார்க்காமலும் பேசுகிறாய் 

அடுத்து வரும் வார்த்தைக்காக காத்திருப்பதும் சுகமே 

நான் தொல்லைகள் செய்து துன்புறுத்தும் போதும் உன் முகத்தில் கோபத்தை பார்த்ததில்லை 

கோவம் இல்லா கவிதை நீ என்று அறிந்தேன் 

பேசும் வார்த்தையிலும் அன்பு கலந்திருக்கும் என்று அறிந்தேன் 

எனக்கென கிடைத்த நட்பில் நீ வித்தியாசமானவள் என்று அறிந்தேன் 

பிரச்சனைகள் இருந்தும் நீ சிரிக்க தவறியதில்லை என்றும் 

உன்னிடம் நான் பார்க்காத ஒன்று திமிர் 

உன்னிடம் நான் கேட்க்காத ஒன்று மன்னிப்பு 

வண்ண வண்ண மிட்டாய்கள் வாங்கித்தர தவறியதில்லை நீ 

பொறுமை உனக்கு உண்டு எனக்கு இல்லை 

ஆடம்பரம் இல்லா கனவுகளின் சொந்தக்காரி 

பழமை மறவா பாசக்காரி 

வண்ணங்களை வானத்தில் தேடும் உனக்கு பிடித்த நிறமோ கருப்பு 

சத்தமில்ல கொலுசுகள் உன் கால்களுக்கு அழகு 

குத்தாட்டம் போடவும் யோசித்ததில்லை உன் கால்கள் 

அமைதியை விரும்பும் உனக்கு நான் எதிர்பதமே 

ஒரு வட்டத்திற்குள் சந்தோசத்தை தேடும் என் தோழி அது உனக்கு கிடைத்திட வேண்டும் 

உன்னோடு இருந்த நாட்கள் குறைவு ஆனால் உன்னை அறிந்து கொண்டது அதிகம் 

உன்னோடு பேசாத நாட்கள் உண்டு ஆனால் உன்னை நினைக்காத நாட்கள் இல்லை 

வெகுளித்தனமாக நீ உளறுவதையும் ரசிப்பேன் முடிவில் சிரிப்பேன் 

அனைவரையும் திரும்பி பார்க்க சொல்லும் உன் சிரிப்பு 

திரு திரு வென்று விழிக்கும் உன் விழிகள் 

அதையே உன் வெட்கம் என்று நண்புகிறேன் நானும் 

தேநீர் சிந்திய போதெல்லாம் சிரிப்பு, இன்னும் கற்றுக்கொள்கிறாய் சிந்தாமல் குடிக்க 

உன் உடைக்கேற்ற காதணி அணிய நீ தவறியதில்லை 

அதை நான் பார்க்கவும் தவறியதில்லை 

உன் தடித்த கண்மை எனக்கு பிடித்த ஒன்று 

என் கோபத்தை ஒவ்வொரு முறையும் மன்னித்த உன் நட்புக்கு நன்றி 

கடவுள் நம்பிக்கை இல்லை, நீ காட்டும் அன்பே கடவுள் ஆனது 

உன் கண்கள் கலங்கும் காரணம் அறியேன் 

நான் தொலைக்க நினைக்காத ஒன்று உன் நட்பு 

தொலைத்தாலும் தேடி வருவேன் அன்று!